2017-09-08 09:49

Bakıda qadın ağzından, kişi isə qulağından bıçaqlandı

Faktla bağlı araşdırma aparılır.

Bakının Binəqədi rayonunda qadın ağzından, kişi isə qulağından bıçaqlanıb.

LiderXeber.com Report-a istinadla xəbər verir ki, 42 yaşlı Əlizadə Ellada Vladimirovna və 50 yaşlı Cələbov Cələb Fətulla oğlu bıçaqlanıb.

Hadisə şahidlərinin verdiyi məlumata görə, Azadlıq prospektində naməlum şəxs E.Əlizadənin ağzına və gözünə bıçaqla xəsarət yetirdikdən sonra C.Cələbovun da qulağına və qarın nahiyəsinə bir neçə bıçaq zərbəsi endirib. Hər iki yaralı xəstəxanaya yerləşdirilib.

Həkimlərin verdiyi məlumata görə, E.Əlizadənin dili və dodaqları kəsilib. Qadın görmə qabiliyyətini itirməməsi üçün Zərifə Əliyeva adına Göz Klinikasına yerləşdirilib.

Faktla bağlı Binəqədi Rayon Polis İdarəsində araşdırma aparılır.

Günay Cəfərova

LiderXeber.com
SON XƏBƏRLƏR


Yuxarı